Dita e 31 e luftës në Ukrainë: Zhvillimet e fundit
Një ditë e re lufte po nis në Ukrianë ku një zyrtar ukrainas thotë se forcat e Ukrainës “e kanë ndërmarrë një kundërsulm” rreth kryeqytetit.
Ndërkohë, Rusia thotë se tani do të përqendrohet në Ukrainën lindore, duke pretenduar se “faza e parë” e planit të saj ushtarak ka përfunduar.
Një gjeneral i lartë rus pohoi të premten se “faza e parë” e planit ushtarak të Rusisë ka përfunduar, me fokusin e tyre kryesor tani në Ukrainën lindore.
Ende është e paqartë nëse kjo nënkupton një zhvendosje të shtyllave për ushtrinë ruse, apo thjesht përfaqëson një ndryshim në porositë publike.
Një këshilltar i kryetarit të bashkisë së Mariupolit thotë se rreth 300 njerëz u vranë nga bombardimi rus i një teatri më 16 mars, me rreth 600 të tjerë mbijetuar.
Pamjet e reja janë shfaqur në rrjetet sociale përmes së cilave shfaqen njerëz duke u arratisur nga vendi i ngjarjes.
OKB-ja tha se ka informacione që vërtetojnë ekzistencën e varrezave masive në Mariupol, e cila ka parë një numër të madh civilësh pas disa javë granatimesh të pamëshirshme nga trupat ruse.
Po ashtu, sipas OKB, numri i madh i vdekjeve në njerëy si pasojë e luftës po vazhdon të përshkallëzohet. Sipas kësaj agjencie janë 1,081 civilë të konfirmuar të vdekur dhe 1,707 të plagosur, me numrin real që pritet të jetë dukshëm më i lartë.
Sipas një zyrtari të lartë të mbrojtjes amerikane, forcat ruse rreth kryeqytetit janë tani në pozicione mbrojtëse dhe kanë ndalur “çdo interes në drejtim të lëvizjeve tokësore”, megjithëse sulmet ajrore dhe sulmet me rreze të gjatë vazhdojnë,
Luftimet intensive po vazhdojnë në disa drejtime rreth qytetit, por forcat ukrainase duket se e kanë rimarrë territorin në lindje, duke i shtyrë prapa forcat ruse.
Presidenti i ShBA, Joe Biden po qëndron për vizitë në fqinjin perëndimor të Ukrainës, Poloninë, ku do të takohet me presidentin polak Andrzej Duda dhe do ta mbajë një “fjalim të madh” të shtunën, sipas Shtëpisë së Bardhë.
Ushtria ruse tha të premten se më shumë se 1,300 personel ushtarak ishin vrarë në Ukrainë.
Presidenti ukrainas Volodymyr Zelensky dha një shifër shumë më të lartë të premten, me 16,000 trupa ruse të vrarë.
Një këshilltar i lartë ukrainas i tha CNN se grupi famëkeq ushtarak privat rus wagner, ishte i përfshirë në një komplot të dyshuar për atentat kundër Presidentit dhe Kryeministrit të Ukrainës.
Wagner është akuzuar më parë për shkelje të të drejtave të njeriut nga zyrtarë amerikanë dhe avokatë të të drejtave të njeriut.
Ish-presidenti rus dhe nënkryetari i Këshillit të Sigurimit, Dmitry Medvedev, ka thënë se sanksionet perëndimore kundër bizneseve ruse nuk do të ndikojnë në Moskë ose nuk do të shkaktojnë pakënaqësi popullore.
Reuters ka publikuar një përmbledhje të komenteve të tij, të cilat janë bërë në një intervistë me agjencinë ruse të lajmeve RIA: “Le të pyesim veten: a mundet ndonjë prej këtyre biznesmenëve të mëdhenj të ketë edhe sasinë më të vogël të ndikimit të pozicionit të udhëheqjes së vendit? tha Medvedev. “Unë ju them hapur: jo, në asnjë mënyrë.”
Medvedev tha se ka disa arsye sipas të cilave Rusia ka të drejtë të përdorë armë bërthamore, duke përfshirë një sulm ndaj vendit ose shkelje të infrastrukturës si rezultat i të cilit forcat parandaluese bërthamore të Rusisë do të paralizoheshin.
Lufta në Ukrainë ka lënë të vrarë 136 fëmijë deri më tani, ndërsa 199 fëmijë të tjerë janë plagosur, sipas një përditësimi të postuar në Facebook nga zyra e prokurorit të përgjithshëm ukrainas. Të premten, zyra e OKB-së për të drejtat tha se kishte konfirmuar 1,081 vdekje civile dhe 1,707 lëndime në Ukrainë që nga fillimi i pushtimit rus.
Presidenti rus Vladimir Putin nënshkroi një ligj të ri federal që ndalon “lajmet e rreme” ose diskreditimin e agjencive qeveritare që punojnë jashtë vendit – duke zgjeruar ligjet e reja të ashpra të censurës të futura menjëherë pas pushtimit.
Sot, është dita e 31 e pushtimit rus të Ukrainës – lufta e parë e madhe tokësore në Evropë në dekada.
Sulmi i Moskës ka nisur në orët e para të 24-shkurtit.
Presidenti rus, Vladimir Putin, tha se ka nisur, sipas tij, një operacion “special” për “çmilitarizimin dhe denacifikimin” e Ukrainës si dhe me qëllim të degradimit të kapaciteteve ushtarake të Ukrainës dhe të çrrënjosjes së njerëzve që i ka quajtur nacionalistë të rrezikshëm.
Veprimi i Kremlinit ka nxitur zemërim dhe është dënuar në gjithë botën.
Shtetet e Bashkuara dhe aleatët janë përgjigjur me sanksione të ashpra kundër Moskës duke e dënuar sulmin dhe janë zotuar se do ta mbajnë Rusinë përgjegjëse për këtë luftë./CNN, The Guardian
