Vdekje e Dyshimtë në Shkollë
10.5.2017 - 09:34
Një person është gjetur i vdekur në një shkollë në Podujevë.
Lajmin për KALLXO.com e ka konfirmuar zëdhënësja e policisë për rajonin e Prishtinës, Florie Ahmeti.
“Rreth orës 7:00 në Rrugën ‘Hakif Zejnullahu’ ka ndërruar jetë një person. Policia ka konstatuar vdekjen e tij nga ekipi mjekësor”, tha Ahmeti.
Sipas Ahmetit i vdekuri ka inicialet N. F., ndërsa është i lindur në vitin 1959.
Ngjarja sipas policisë ka ndodhur në një shkollë. Policia është ende në vendin e ngjarjes.
Policia këtë vdekje po e heton si të dyshimtë.
