Arrestohet pasi ia vuri zjarrin një garazhi dhe shpoi me thikë gomat e një veture
19.4.2018 - 10:53
Një person është arrestuar dje rreth orës 01:30 në rrugën “Ganimete Tërbeshi” në Ferizaj për zjarrvënie të një garazhi.
Policia ka njoftuar se i arrestuari, me katër prill ka hedhur një shishe të mbushur me benzinë në garazhin e viktimës.
Garazhi është përfshirë nga zjarri, ku janë ndezur edhe disa mjete të punës.
Policia ka njoftuar se i dyshuari ka dëmtuar me thikë edhe katër gomat e veturës së viktimës.
Me urdhër të prokurorit i dyshuari është dërguar në mbajtje.