Kosova mposht Moldavinë dhe mbetet në Ligën C
18.11.2020 - 22:38
Kombëtarja e Kosovës ka shënuar fitore minimale me rezultat 1-0, ndaj Moldavisë, në kuadër të Grupit 3, të Ligës C, në Ligën e Kombeve.
Pas kësaj fitoreje Kosova mbetet në vendin e tretë me pesë pikë, që do të thotë se edhe edicionin e ardhshëm do të bëj gara në Ligën C.
Golin e vetëm në këtë ndeshje e shënoi Lirim Kastrati në minutën e 31’.
Edon Zhegrova kishte mundësi të mirë që ta dyfishonte epërsinë në minutën e 62’, por goditja e tij u bllokua.
Lirim Kastrati në mintuën e 81’ goditi, por portieri i Moldavisë e priti goditjen e tij.
Për Kosovën u vështirësuan punët në minutën e 85’, pasi Ibrahim Dresevic u ndëshkua me karton të kuq.