Drenica mposht Feronikelin në Drenas

Drenica ka triumfuar si mysafire ndaj Feronikelit me rezultat 1-3, ndeshje e vlefshme për xhiron e 21-të në Superligë.

Mysafirët kaluan në epërsi në minutën e 18’ me Kreshnik Ukën.

Feronikeli e barazoi rezultatin në minutën e 39’ me Simonovskin.

Drenica e riktheu epërsinë me Erlis Frashërin në minutën e 45+3’.

Feronikeli mbeti me një lojtar më pak në fundin e pjesës së parë, pasi Besmir Bojku u ndëshkua me karton të kuq.

Për 1-3, shënoi Kreshnik Uka në minutën e 80’ për t’i dhënë fund çështjes së fituesit.

Pas kësaj fitoreje Drenica mbetet në vendin e nëntë me 23 pikë.

Kurse, Feronikeli në vendin e shtatë me 24 pikë.