Blendi Baftiu kërkohet nga dy klube nga Superliga e Turqisë
28.7.2020 - 17:26
Mesfushori ofanziv i Ballkanit, Blendi Baftiu, pritet që ta vazhdoj karrierën e tij në Europë në sezonin e ri.
Baftiu është duke u kërkuar nga dy gjigantët e futbollit turk, Galatasaray dhe Besiktas, bën të ditur “Haberler.com”.
22 vjeçari ka zhvilluar një sezon fantastik me skuadrën nga Suhareka duke u përfshirë nga UEFA në listën e 50 futbollistëve të rinj premtues.
Mesfushori i Ballkanit në këtë sezon në Superligë i ka shënuar 19 gola dhe një asistim nga 31 ndeshje, duke u shpallur golashënuesi më i mirë në Superligë.
Ish –mesfushori i Prishtinës ka kontratë me Ballkanin deri në vitin 2021.