Ftohti e lë Prishtinën e Prizrenin pa Rrymë
“Ndalesa do të zgjasë sipas kërkesës për 90 minuta, përkatësisht nga ora 12:00 deri në ora 13:30. Nga kjo ndalesë do të ketë ndërprerje të energjisë elektrike për pjesën qendrore të Prishtinës dhe qytetit të Prizrenit me rrethinë”, thuhet në komunikatën e KEDS-it.
Edhe Operatori i Sistemit, Transmisionit dhe Tregut të energjisë elektrike të Kosovës, KOSTT njofton se për shkak të krijimit të kushteve të sigurisë në punë nga ora 12:00 deri në orën 13:30, do të bëhet shkyçja e disa transformatorëve energjik.
“Për shkak të rënies së temperaturave problemeve te paraqitura ne tranformator, shkyçja e këtyre transformatorëve është e domosdoshme për të mundësuar operimin e sigurt ne vijim te këtyre tranformatorëve”, thuhet në komunikatën e tyre.
Punimet në fjalë, do të ndikojnë në rritjen e besueshmërisë së operimit të Sistemit Elektroenergjetik.