Shkencëtarët zbulojnë një pjesë të re të sistemit të imunitetit

Një pjesë e re e sistemit imunitar është zbuluar dhe ajo po konsiderohet thesar antibiotikësh të mundshëm – thonë shkencëtarët – raporton BBC.

Ata kanë treguar se një pjesë e trupit të njohur për riciklimin e proteinave ka një mënyrë sekrete që mund të nxjerrë jashtë një arsenal kimikatesh që mbysin bakteret.

Studiuesit në Izrael thonë se kjo transformon të kuptuarit shkencor se si të mbrohemi nga infeksioni.

Dhe, krijon hapësirë të re për të kërkuar antibiotikë për trajtimin e problemit në rritje të superbaktereve, që u rezistojnë ilaçeve aktuale.

Zbulimi përqendrohet në proteazomin – një strukturë e vogël që gjendet në çdo qelizë të trupit.

Roli i tij kryesor është të copëtojë proteinat e vjetra në copa më të vogla, në mënyrë që ato të riciklohen që të kthehet në të reja.

Por një seri eksperimentesh, të detajuara në revistën Nature, tregojnë se proteazoma zbulon kur një qelizë është infektuar nga bakteret.

Më pas ndryshon strukturën dhe rolin. Fillon të transformojë proteinat e vjetra në armë, që mund të hapin shtresën e jashtme të baktereve për t’i mbytur ato.

Profesori Yifat Merbl, nga Instituti i Shkencave Weizmann, ka deklaruar: “Kjo është vërtet emocionuese, sepse ne kurrë nuk e dinim se kjo po ndodhte.”

“Ne zbuluam një mekanizëm të ri të imunitetit që po na lejon të kemi mbrojtje kundër infeksionit bakterial.” – ka theksuar ai. “Po ndodh në të gjithë trupin tonë, në të gjitha qelizat dhe gjeneron një klasë krejtësisht të re të antibiotikëve potencialë natyralë.”

Ekipi hulumtues kaloi nëpër një proces për të gjetur këta antibiotikë natyralë.

Ata u testuan në baktere të cilat rriteshin në laborator dhe në minj me pneumoni dhe sepsë. Studiuesit thanë se po merrnin rezultate të krahasueshme me disa antibiotikë të konsoliduar.

Dhe kur studiuesit morën qelizat në laborator dhe çaktivizuan proteazomin ishin shumë më të lehta për t’u infektuar me baktere, si salmonella.

Profesori Daniel Davis, kreu i shkencave të jetës dhe imunolog në Kolegjin Perandorak të Londrës, ka deklaruar se gjetjet ishin “jashtëzakonisht provokuese dhe shumë interesante”, pasi ato ndryshuan të kuptuarit tonë se si trupi lufton infeksionin.

“Ajo që është me të vërtetë emocionuese për këtë është se është një proces krejtësisht i pazbuluar, me anë të të cilit molekulat kundër mikrobeve prodhohen brenda qelizave tona; ndihet thellësisht e rëndësishme dhe befasuese.”

Por, ai paralajmëroi se shndërrimi i kësaj në një burim të ri antibiotikësh është një ide që “ende duhet të testohet” dhe që do të marrë kohë.

Më shumë se një milion njerëz në vit vlerësohet se vdesin nga infeksionet që janë rezistente ndaj ilaçeve, si antibiotikët. Por pavarësisht nevojës, ka pasur mungesë të kërkimit për zhvillimin e antibiotikëve të rinj për të vazhduar me kërkesën. Përkundrejt sfondit të zymtë, të zbulohet diçka e re për studim është burim optimizmi për disa shkencëtarë.

Dr Lindsey Edwards, ligjëruese e lartë e Mikrobiologjisë në Kolegjin Mbretëror të Londrës, ka theksuar për BBC-në: “Është një minierë ari e mundshme për antibiotikë të rinj. Kjo është mjaft emocionuese.

“Në vitet e mëparshme është gërmuar toka (për të gjetur antibiotikë të rinj), është diçka e panjohur që e kemi brenda nesh, por ndodh duke ditur faktin se kemi teknologjinë që të jemi të zotë t’i zbulojmë këto gjëra.”

Ajo thotë gjithashtu se mund të ketë më pak probleme me zhvillimin e tyre në barna, sepse ato tashmë janë produkte të trupit të njeriut, kështu që “ana e sigurisë mund të jetë shumë më e lehtë”.

Përgatiti: Rexhep Maloku – Kallxo.com