Lamtumirë Cesc Fabregas, magjistar, krijues dhe diktues i tempos së lojës

Për Arsenalin, Chelsean, Barcelonën apo Spanjën, në kulmin e tij, mesfushori spanjoll ishte mjeshtër i asisteve.

Pasi Cesc Fabregas dha lamtumirën e tij për Chelsean të premten, klubi postoi një koleksion të asisteve të tij më të mirë. Shumica ishin pasime prej 36 deri në 40 metra, nisur nga gjysma e fushës së tij. Megjithatë, edhe nëse topi prekej, ishte i lartë ose përplasej përgjatë terrenit, ai gjithnjë zbriste pikërisht në këmbët e një bashkëlojtari të tij.

Kjo, mendoj unë, është se si Liga Premier do të kujtojë spanjollin. Zhbllokues i mbrojtjes, ridefinues i artit të asisteve. Megjithatë, në kulmin e tij, diku në fillimet e tij deri në mesin e viteve 20, Fabregas ishte shumë më tepër se kaq. Jo vetëm një magjistar, por edhe një dirigjent, i aftë të diktojë ritmin dhe rrjedhën e një loje, si dhe ta ndryshojë atë në një çast.

Dhe djali mund të krijonte. Midis 2006-07 dhe 2010-11 askush në pesë ligat më të mëdha të Evropës nuk arriti asistime më shumë se Fabregas, i cili arriti 60, ose krijoi më shumë se 466 shanse për gol. Jo Lionel Messi. Jo Xavi ose Mesut Ozil, Frank Lampard ose Steven Gerrard, megjithëse të gjithë ishin pjesë e dhjetëshes së parë. Fabregas gjithashtu ka 3.5 shanse të krijuara për gol për çdo 90 minuta që ai luajti – përsëri më mirë se kushdo tjetër në Evropë.

Sa shumë gola do të mund të shënoheshin te Arsenali nëse Thierry Henry dhe Fabregas do të kishin qëndruar së bashku? Në vend të kësaj, spanjolli duhej të shërbente Nicklas Bendtner, Robin Reliant në krahasim me Lamborghinin e Henrit, si dhe Andrey Arshavin dhe Eduardo. Përkundër kësaj, ai vazhdoi të shkëlqejë, duke kontribuar me 15 gola dhe 13 asistime nga 27 ndeshje në sezonin 2009/10 të Gunners pavarësisht se kishte disa lëndime. Ndërsa Ted Knutson, kreu i konsulencës së futbollit StatsBomb, i cili më vonë bëri analiza statistikore mbi meritat e Fabregas për Barcelonën, thotë: “Ky djalë ishte mesfushori më i mirë në botë. Ai ishte gjithashtu asistuesi më i mirë që ka parë ndonjëherë Premier Liga. ”

Duke parë prapa është e çuditshme që Fabregas u përzgjodh vetëm dy herë në ekipin e vitit. Pastaj përsëri, ai është në një shoqëri të mirë pasi Paul Scholes u zgjodh vetëm dy herë.

Ndoshta Fabregas nuk vlerësohet aq shumë sa ai e meriton, sepse, si Wayne Rooney dhe Mike Tyson, trajektorja e tij zhvillimore ishte aq e pjerrët dhe spektakolare sa vitet e tij më të mira erdhën kaq herët dhe tani janë shumë prapa tij. Mos harroni se ai ishte lojtari më i ri i Arsenalit, 16 vjeç e 177 ditë, një nga disa debutues në një fitore të Kupës Carling kundër Rotherhamit në tetor të vitit 2003 dhe u bë golashënuesi më i ri i klubit dy muaj më vonë.

Megjithatë, kur bëhet fjalë për vlerësimin e vendit të tij te ‘perënditë’, koha e tij në Barcelonë gjithmonë është kundër tij. Të luajturit si nëntë e rreme gjithmonë e bënte të ndihej pak i rremë. Gjatë tre viteve të tij në Camp Nou, Fabregas ende renditet në gjashtë vendet e para në Evropë për asistime, pas Messit, Ozil, Ángel di Maria, Franck Ribery dhe Eden Hazard, pavarësisht të disa lëndimeve. Dhe siç e tha Pep Guardiola, “Kur Cesc ka topin, në një sekondë ai është lojtari më i veçantë në botë për atë top”.

Në ditët e sotme ekziston edhe një paragjykim i fundit kur vlerësojmë trashëgiminë e Fabregas. Gjatë dy viteve të fundit ai është ngadalësuar nga mendja dhe këmbët, dhe në mënyrë të pashmangshme është më pak efektiv. Por jo shumë kohë më parë ai krijoi golin e fitores së Spanjës në finalen e Kupës së Botës 2010, kaloi për hapjen e David Silvas për fitoren 4-0 kundër Italisë në finalen e Euro 2012, ose kishte 18 asistime gjatë fitores së Chelseat në sezonin 2014 -15, i dyti më i lartë në Europë pas Kevin De Bruyne.

Si mund ta bëjë Chelsea atë version të Fabregas tani. Askush nuk ka kaluar më shumë në Premier League se Jorginho këtë sezon, por ai nuk ka asnjë asistim të vetëm.

Nuk është çudi që Henry shpreson që spanjolli, i cili ka ofruar kaq shumë asistime gjatë kohës së tyre së bashku në Arsenal, mund ta ndihmojë atë edhe një herë duke çojë Monakon në luftën drejt titullit. Mos u habitni nëse bravandreqësi veteran ende dëshmon të jetë i aftë të nxjerrë në pah zgjidhjet më të vështira të mbrojtjes kundërshtare.

Përgatiti: Dorentina Kastrati