Gjykata Speciale në Hagë konfirmon lirimin e Hysni Gucatit me kushte të përcaktuara

Gjykata Speciale në Hagë ka vendosur të lirojë Hysni Gucatit me kushte të përcaktuara.

Ky vendim është marrë nga kryetarja e Dhomave të Specializuara, gjykatëse Ekaterina Trendafilova, ku Gucati do të lirohet më 18 tetor 2023.

Gjykata urdhëron ish-kreun e OVL- UÇK-së të respektojë me kujdes kushtet e parashtruara në vendim.

“Kryetarja theksoi shprehjet e pendesës së Gucati, në veçanti, veçanërisht faljen, gjatë seancës gojore, që ai shprehimisht u kërkoi të gjithë atyre që mund të ishin ndier të kërcënuar nga veprimet e tij. Gjithashtu Kryetarja, vuri në dukje zotimin e vendosur të z. Gucati se nuk do të përfshihej në veprime të tjera që mund të karakterizoheshin si vepra penale kundër administrimit të drejtësisë dhe se do t’i përmbushë të gjithë kushtet e përcaktuara për lirimin e tij. Kryetarja theksoi se në qoftë se z. Gucati nuk përmbush cilindo prej kushteve të përcaktuara në vendim, atëherë vendimi do të anulohet”- thuhet në njoftimin e Dhomave të Specializuara.

Pas shqyrtimit të rastit, gjykata vendosi se zbutja e dënimit të Gucatit nuk është e përshtatshme dhe, si rrjedhojë, nuk jepet. Në vend të kësaj, është marr vendim për të ndryshuar dënimin e Hysni Gucatit, duke e liruar atë me kushtet e përcaktuara në paragrafin 68 të vendimit.

Gjithashtu, Sekretari është urdhëruar të marrë të gjitha masat e nevojshme për të siguruar transferimin Gucatit në adresën e shtëpisë së përcaktuar dhe për të zbatuar kushtet e përcaktuara në vendim.

Policia e Kosovës dhe autoritetet tjera janë të urdhëruara të bashkëpunojnë me Sekretarin për zbatimin e kushteve të përcaktuara në vendim dhe për të siguruar një raport mujor për respektimin e kushteve të përcaktuara si në paragrafin 68 (c) të vendimit.

Sekretari do t’i raportojë Presidentit në baza mujore për respektimin e kushteve të përcaktuara në vendim deri në përfundim të dënimit të Hysni Gucatit më 24 dhjetor 2024, ose më herët nëse ka ndodhur ndonjë shkelje e kushteve.

Në vendim tutje thuhet se Njësia e Administrimit të Gjykatës (NJMK) është urdhëruar të riklasifikojë këtë vendim si publik pas konfirmimit të Sekretarit për mbërritjen e Gucatit në shtëpinë e tij të vendndodhur në adresën e caktuar të lëshimit.

Bëhet e ditur se Presidenti urdhëron NJMK-në të sigurojë që anekset e këtij vendimi të mbeten konfidenciale dhe të zbatohen në përputhje me dispozitat ex parte.

Ky vendim i Presidentit sjell një ndryshim të rëndësishëm në rastin e Hysni Gucati, duke e liruar atë me kushte të përcaktuara me kujdes dhe duke përcaktuar një monitorim të rreptë për respektimin e tyre.

Vendimin e plotë të Gjykatës mund ta gjeni në këtë LINK.

Hysni Gucati dhe Nasim Haradinaj u arrestuan më 25 shtator 2020 në Prishtinë.

Krerët e OVL-UÇK-së Gucati dhe Haradinaj më 18 maj 2022, u dënuan me nga 4 vjet e tre muaj burgim dhe 100 euro gjobë.

Ata u gjetën fajtor se mes datave 7 dhe 25 shtator 2020, shpërndanë pa autorizim informacione konfidenciale dhe jopublike lidhur me hetimet e Task Forcës Hetimore Speciale (‘TFHS’) dhe ZPS-së.