Kryetari i Komunës së Kllokotit, Bozhidar Dejanoviq
Zgjedhjet e 14 shkurtit, ngritet aktakuzë ndaj kryetarit të Kllokotit
02.7.2021 - 12:30
Prokuroria Speciale e Kosovës ka ngritur aktakuzë ndaj kryetarit të Komunës së Kllokotit, Bozhidar Dejanoviq.
Siç ka njoftuar Prokuroria e Shtetit, aktakuza lidhet me zgjedhjet e fundit parlamentare të mbajtura më 14 shkurt 2021.
“Prokuroria Speciale njofton se aktakuzën e ka ngritur kundër të pandehurit B.D, Kryetar i Komunës së Kllokotit, për shkak se është vërtetuar dyshimi i bazuar se ka kryer veprën penale “Cenimi i përcaktimit të lirë të votuesve’’ e paraparë dhe sanksionuar me nenin 210 të Kodit Nr. 06/L-074 Penal të Republikës së Kosovës”, thuhet në njoftim.
Dejanoviq u arrestua në mars të këtij viti.
Arrestohet kryetari i Komunës së Kllokotit lidhur me zgjedhjet e 14 shkurtit 2021
www.kallxo.com