Veliu ngushëllon vdekjen e policit nga COVID-19
Ministri i i Punëve të Brendshme, Agim Veliu ka reaguar pas lajmit se ka vdekur nga COVID-19 polici Hakif Hodolli.
“Me pikëllim të thellë mora lajmin për ndarjen nga jeta të policit të shkëlqyer, e punëtor, Hakif Hodolli, i cili fatkeqësisht, humbi betejën me COVID-19”, ka shkruar Veliu në Facebook, të mërkurën.
Ministri ka ngushëlluar familjen e policit Hodolli.
“Ndaj dhimbjen me familjen Hodolli, miqtë dhe bashkëpunëtorët e Hakifit, të cilët sot humbën, familjarin e përkushtuar, mikun e mirë, dhe kolegun e jashtëzakonshëm. Ngushëllimet më të sinqerta Familjes Hodolli. Qoftë i përjetshëm kujtimi për Hakifin”, thuhet në publikimin e ministrit Veliu.
Sipas të dhënave zyrtare, në Kosovë me COVID-19 janë konfirmuar 11 mijë e 848 persona, janë shëruar 7 mijë e 684 pacientë dhe kanë vdekur 425 të tjerë.
https://www.facebook.com/694759390671085/posts/1737659966381017/