Vdes nga coronavirusi një mjek nga Vushtrria
Pandemia e COVID-19 mori jetën e shtatë mantelbardhëve.
Mbrëmë coronavirusi qe fatal edhe për mjekun familjar nga Vushtrria, Safet Idrizi.
Lajmin për vdekjen e tij e ka bërë të ditur Oda e Mjekëve të Kosovës.
Njoftimi i OMK:
Humb betejën me koronavirusin mjeku familjar nga Vushtrria
Ndahet nga jeta Dr. Safet Idrizi
Dr. Idrizi ka qenë specialist i mjekësisë familjare dhe i ka shërbyer shëndetësisë primare në QKMF Vushtrri, ku nuk e kishte ndërprerë punën as gjatë pandemisë dhe vijonte tu shërbente qytetarëve. Po ashtu gjatë luftës dha një kontribut të jashtëzakonshëm duke ju bashkuar radhëve të UÇK-së si mjek në Zonën Operative të Drenicës.
Është një humbje e madhe për sistemin shëndetësor, humbja e një mjeku që i ka shërbyer me përkushtim e profesionalizëm për më shumë se 30 vite komunitetit të tij.
Oda e Mjekëve të Kosovës, i shpreh ngushëllimet më të sinqerta familjarëve, miqve dhe kolegëve të tij.
IKShPK dje ka njoftuar se brenda 24 orëve në nivel vendi kanë vdekur tre persona si pasojë e infeksionit me COVID-19, përderisa numri në total i vdekjeve nga pandemia ka arritur në 681.
Dje është shënuar rekord i ri i rasteve të infeksionit me SARS-CoV-2 në Kosovë, 514 raste.
Shtatë mantelat e bardha që nuk do të vishen më