Vdes aktori Luran Ahmeti
25.3.2021 - 20:02
Ka vdekur sot në moshën 46-vjeçare aktori Luran Ahmeti.
Lajmin për vdekjen e tij e kanë bërë të ditur kolegë dhe miq të tij përmes rrjetit Facebook.
Lidhur me vdekjen e aktorit ka reaguar edhe kryetarja e Tetovës, Teuta Arifi.
“Lurani ngjiti majat e suksesit! E trishtë ndarja nga jeta. Humbëm një aktor të jashtëzakonshëm, një mendje kritike një njeri të mirë mbi të gjitha,” ka shkruar Arifi ne Facebook.
Aktori Luran Ahmeti u bë i njohur për publikun në Kosovë me rolin e tij në serialin ‘O sa mirë’
Ahmeti kishte lindur më 31 korrik 1974 në Shkup.