Vdekje e dyshimtë në Lipjan
08.3.2023 - 10:32
Një rast i vdekjes së dyshimtë ka ndodhur dje në Lipjan.
Policia ka njoftuar se një burrë është gjetur pa ndjenja në shtëpinë e tij rreth orës 12:50 ndërsa pas disa orëve ka ndërruar jetë.
Sipas Policisë i njëjti ishte dërguar për tretman mjekësor në Qendrën Klinike Universitare të Kosovës.
“Është raportuar se viktima mashkull kosovar është gjetur pa ndjenja në shtëpinë e tij. Viktima është dërguar në QKUK për tretman mjekësor dhe pastaj rreth orës 21:30 kanë raportuar se i njëjti kishte ndërruar jetë”- thuhet në raportin e Policisë.
Rasti mbetet për t`u hetuar, ka njoftuar Policia.
