Vazhdon aksioni policor 'Subvencionet 2021', ka të arrestuar
03.12.2021 - 11:27
Policia e Kosovës, përkatësisht drejtoria për Hetimin e Krimeve Ekonomike dhe Korrupsionit është duke vazhduar aksionin e nisur tash e një kohë të quajtur “Subvencionet 2021”.
Aksionin e ka konfirmuar për KALLXO.com zëdhënësi i Policisë së Kosovës, Baki Kelani.
Zyrtari policor njoftoi se pas përfundimit do të japin informacione shtesë.
Pjesa e dytë e aksionit “Subvencionet 2021” ishte zhilluar më 30 qershor 2021.
Përderisa 10 persona ishin arrestuar në aksionin e Policisë së Kosovës në bashkëpunim me Prokurorinë Themelore të Prishtinës në mars të këtij viti.
Të arrestuarit dyshoheshin se kishin kryer vepra të ndryshme penale si marrje e dhënie ryshfeti e keqpërdorim të detyrës zyrtare.