![](https://kallxo.com/wp-content/uploads/2019/08/auto_memoriali-liqeni1567148393-695x310.png)
Thyhet memoriali turk në Tiranë
Monumenti në Parkun e Liqenit për viktimat e grushtit të shtetit në Turqi është dëmtuar gjatë natës. Sot në mëngjes, disa oficerë policie ishin përreth monumentit, një pjesë e pllakës përkujtimore të të cilit ishte thyer. Siç shihet në foto, cepi i sipërm në të djathtë të pllakës është i thyer.
Monumenti u ngrit më 15 korrik, në trevjetorin e grushtit të dështuar të shtetit në Turqi, raportojnë mediat në Shqipëri. Në mënyrë krejt të pazakontë, Bashkia e Tiranës e mbajti të fshehtë ngritjen dhe inaugurimin e memorialit.
Kryeministri Edi Rama u prit nga Presideti i Turqisë Rexhep Tajip Erdogan vetëm tri ditë më vonë. Që prej ngritjes së memorialit duket se marrëdhëniet e ftohura midis të dyve u ripërtërinë.
Mbi 10 mijë vetë firmosën një peticion që kërkonte heqjen e këtij memoriali. Disa qytetarë mbajtën edhe një protestë për heqjen e tij.//TPZ.al