Tetë vjeçari bëhet shahisti më i ri që fiton kundër një mjeshtri të madh

Një djalosh 8-vjeçar nga Singapori është bërë shahisti më i ri që e mposhti një mjeshtër të madh.

Pas një loje shahu prej tre orësh në Burgdorfer Stadthaus-Open të Zvicrës, Ashwath Kaushik – i cili është tetë vjeç e gjashtë muajsh – e ka mposhtur mjeshtrin 37-vjeçar polak Jacek Stopa të dielën, sipas Singapore Star.

Kaushik theu rekordin e moshës të vendosur vetëm disa ditë më parë, kur Leonid Ivanoviq nga Serbia (tetë vjeç e 11 muajsh) e mposhti bullgarin Milko Popchev, 59 vjeç.

Thyerja e rekordeve të parakohshme filloi një javë më parë më 12.02.2024 në Beograd, kur Ivanoviq u bë lojtari i parë nën moshën nëntë vjeç që mundi një mjeshtër të madh në shahun klasik.

Sipas Chess.com, bota konkurruese e shahut “kohët e fundit ka qenë dëshmitare e një rritje të fëmijëve që shënojnë rezultate të jashtëzakonshme në një moshë edhe më të hershme, ndoshta të nxitur nga pandemia dhe një sistem vlerësimi që mbetet në ritmin e rritjes së tyre në fuqi”.

Ivanoviq thuhet se shënoi katër pikë pasi fitoi tri ndeshje, barazoi dy dhe pësoi vetëm një humbje. Kjo fitore e bëri këtë djalë lojtarin më të ri që mundi një mjeshtër të madh në një lojë të turneut klasik, sipas Chess.com.

Por ky rekord qëndroi i tillë mezi për një javë.

Të dielën Ashwath fitoi tri ndeshjet e tij të para kundër Stopa. Por ai humbi ndeshjen e tij të radhës ndaj lojtarit britanik Harry Grieve, 23 vjeç, i cili fitoi kampionatin britanik të shahut 2022.

Ashwath ishte katër vjeç kur prindërit e tij e prezantuan atë me lojën, ka deklaruar familja e tij për Singapore Star.  /The Guardian

Përgatiti: Nuhi Shala