Takimi Kurti- Mustafa, gazetarët nuk lejohen të hyjnë në Kuvend
07.1.2020 - 15:39
Dy liderët e partive të para nga zgjedhjet e 6 tetorit, nuk kanë treguar transparencë me media sa i përket takimeve për themelimin e koalicionit të ri qeverisësë.
Së fundmi, takimet nuk i kanë të shpeshta. Por, interesimi për to nga gazetarët është i madh.
Edhe sot, kur takimi mes liderëve po mbahet në objektin e Kuvendit të Kosovës, gazetarët nuk janë njoftuar zyrtarisht dhe nuk janë lejuar as të futen në objektin e Kuvendit të Kosovës.
Kjo nuk hera e parë që në takimet e Albin Kurtit e Isa Mustafës, gazetarët nuk lejohen të afrohen.
Për këto takime asnjëherë nuk ka pasur ftesë për media, ndonëse interesi publik, pas përfundimit të zgjedhjeve, mbetet tek formimi i Qeverisë së re.