Suedia nënshkruan aplikimin për anëtarësim në NATO

Ministrja e Jashtme e Suedisë, Ann Linde të martën në mëngjes nënshkroi aplikimin që deklaronte se Suedia dëshiron të anëtarësohet në NATO, raporton CNN.

Kjo lëvizje shënon hap zyrtar nga Stokholmi drejt bashkimit me Aleancën Ushtarake të NATO-s, të udhëhequr nga SHBA – duke i dhënë fund dekadave të neutralitetit ushtarak – pasi pushtimi rus i Ukrainës ndezi evolucion dramatik në sigurinë dhe gjeopolitikën evropiane.

“Ky veprim është diçka shumë e madhe, shumë serioze dhe duket sikur kemi arritur në një përfundim që është më i miri për Suedinë”, tha Linde.

“Nuk e dimë sa kohë do të zgjasë, por llogarisim se mund të zgjasë deri në një vit”.

“Tani këtë javë, ky aplikacion do të dorëzohet, së bashku me Finlandën, brenda një dite apo më shumë dhe më pas do të përpunohet nga NATO”, shtoi ajo.

Kryeministrja e Suedisë Magdalena Andersson tha të hënën se vendi duhet t’i bashkohet NATO-s së bashku me Finlandën fqinje për “të garantuar sigurinë e popullit suedez”.

Presidenti rus Vladimir Putin tha se hyrja e dy vendeve nordike në NATO nuk do të krijojë një kërcënim për Rusinë, por zgjerimi ushtarak në territor “me siguri do të shkaktojë përgjigjen tonë”.