Ilustrim
Skenderaj, sulmohen fizikisht policët
01.11.2020 - 11:20
Një sulm fizik ndaj pjesëtarëve të Policisë së Kosovës ka ndodhur dje në orët e para të mëngjesit në Skenderaj.
Sipas njoftimit, një patrullë e Policisë ka vërejtur disa persona pa maska për mbrojtje nga COVID-19, të cilët kanë tentuar t’i legjitimojnë mirëpo njëri nga ta ka refuzuar dhe nuk i ka respektuar urdhërat e Policisë.
Gjatë arrestimit tre të dyshuarit i kanë sulmuar fizikisht zyrtarët policorë.
Sipas raportit të Policisë, tre persona kanë pranuar tretman mjekësor.
Në lidhje me rastin është konsultuar prokurori i shtetit i cili udhëzon që dy nga të dyshuarit të dërgohen në mbajtje për 48 orë ndërsa i dyshuari i tretë të lirohet në procedurë të rregullt.
Rasti vazhdon të hetohet.