Rrëfimi i Mefail Bajqinovcit: Isha në veturë kur u kaplua nga flakët, gati u dogja
22.2.2021 - 20:36
Vetura e kandidatit për deputet nga Lëvizja Vetëvendosje, Mefail Bajqinovci, sonte është përfshirë nga zjarri.
Incidenti ka ndodhur në kohën kur Bajqinovci ishte në veturë.
Këtë e ka konfirmuar për KALLXO.com vetë Bajqinovci, i cili tha se nuk e di arsyen e shpërthimit të zjarrit në veturën e tij.
“Vetura më është djegur dhe kam qenë në të, më shumë nuk kam çfarë të them. Ende nuk e di nëse përfshirë në zjarr nga ndonjë defekt, problem teknik apo diçka tjetër, veç gati u djega në të edhe unë”, tha ai për KALLXO.com.
Rastin e ka konfirmuar edhe Agron Borovci, zëdhënësi i Policisë së Kosovës për këtë rajon, tha për KALLXO.com se rasti ka ndodhur në ora 19:00.