Ilustrim
QKUK hap konkurs për një anesteziolog
16.1.2024 - 21:26
Qendra Klinike Universitare e Kosovës ka hapur konkurs për pranimin e një anesteziologu.
Mungesa e mjekëve të këtij profili është problem i sistemit shëndetësor në Kosovë ndër vite.
Afati për dorëzimin e aplikacioneve do të jetë nga 29 janari deri më 12 shkurt.
Kjo pozitë është hapur për kohë të caktuar, maksimum dy vite.
Kualifikimi i kërkuar është diploma e Fakultetit të Mjekësisë dhe licenca e specialistit të anestezionit, aftësi të mira të komunikimit dhe njohja e punës me kompjuter.
Përparësi thuhet se do të kenë kandidatët që kanë kryer trajnime të veçanta dhe kanë njohuri të mira të funksionimit të sistemit shëndetësor në Kosovë.