Foto: Facebook
Punëtori i Spitalit të Pejës dyshohet se e sulmoi fizikisht kolegun në vendin e punës
05.2.2024 - 17:35
Një punëtor i Spitalit të Pejës dyshohet se ka sulmuar fizikisht kolegun e tij në vendin e punës.
Ngjarja dyshohet se ka ndodhur sot në mëngjes.
Zëdhënësi i Policisë së Kosovës për rajonin e Pejës, Fadil Gashi, tha se Policia ka marrë deklaratat e viktimës dhe të dyshuarit.
“Është njoftuar prokurorja e shtetit, e cila ka urdhëruar që rasti të cilësohet “lëndim i lehtë trupor”. Rasti shkon në procedurë të rregullt” – tha ai.
Gashi shtoi se viktima ka pranuar trajtim mjekësor.
Lidhur me këtë, KALLXO.com është munduar të marrë një përgjigje edhe nga drejtori i Spitalit, Fazli Shala, mirëpo deri në momentin e publikimit të këtij artikulli ai nuk ka qenë i qasshëm.