Kryetari i komunës së Prishtinës, Shpend Ahmeti, në përurimin e çerdhes së re në lagjen Sofalia. FOTO: Komuna e Prishtinës.
Publikohen emrat e fëmijëve të pranuar në çerdhet publike në Prishtinë
Procesi i regjistrimit të fëmijëve në çerdhet publike të Komunës së Prishtinës për vitin 2020/2021 ka përfunduar.
Komuna e Prishtinë gjatë ditës së sotme ka pubikuar listën e fëmijëve të cilët janë pranuar në çerdhet publike.
Komuna e Prishtinës me përfundimin e këtij procesi ka uruar fëmijët që të kalojnë shumë momente të bukura bashkë.
Të bashkëngjitur mund të gjeni listën e publikuar nga Komuna e Prishtinës.
Qeveria e Kosovës ka marrë vendim që të pezullojë punën e çerdheve publike dhe private, një muaj pasi që ato u hapën pas situatës me COVID-19.
Megjithatë, në vendim është theksuar se njëri prind duhet të lirohet nga puna për kujdes ndaj fëmijëve që janë nën moshën 10 vjeçare.
“Pezullohet veprimtaria e çerdheve në Institucionet publike dhe private (me kusht që njëri prind të lirohet nga puna për kujdes ndaj fëmijëve që janë nën moshën 10 vjeçare)”, thuhet në vendimin e Qeverisë së Kosovës.
Çerdhet publike dhe private ishin hapur në kohën kur ministër i Shëndetësisë ishte, Arben Vitia, më saktësisht me 1 qershor. Hapja e tyre ishte bërë duke u bazuar në një udhëzim të UNICEF-it.
Mbyllja e të gjitha institucioneve shkollore ishte bërë pak para se të regjistroheshin rastet e para me COVID-19 në vend.
