Foto: Urim Krasniqi/KALLXO.com
Prishtinë, Policia arreston të dyshuarin që aksidentoi këmbësoren dy ditë më parë
20.8.2021 - 10:08
Policia e Kosovës e ka arrestuar një person i cili mbrëmjen e së mërkurës u përfshi në aksident trafiku duke goditur me makinë një këmbësore në Prishtinë.
I dyshuari është identifikuar dhe arrestuar një ditë më vonë nga Policia.
Këmbësorja si pasojë e goditjes, ka pësuar lëndime të rënda trupore.
Rasti ka ndodhur në rrugën “Fahri Fazliu” në kryeqytet.
Ngasësi i makinës pas shkaktimit të aksidentit dyshohet se ishte larguar nga vendi i ngjarjes.
I dyshuari është intervistuar dhe me vendim të prokurorit është dërguar në mbajtje për 48 orë.