Policia kërkon ndihmë për gjetjen e të dyshuarit për drogë
07.8.2020 - 16:21
Policia e Kosovës, rajoni i Pejës po kërkon ndihmë nga qytetarët për gjetjen e qytetarit Arben Tahiri, 37 vjeçar, i lindur në Luzern të Zvicrës.
Sipas njoftimit të Policisë, Tahiri është i kërkuar për verpën penale ‘Blerje, posedim, shpërndarje dhe shitje e paautorizuar e narkotikëve’.
“Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor”, thuhet në njoftimin e Policisë.