Policia jep detaje për aksidentin në Grashticë
03.10.2021 - 12:56
Në aksidentin që ka ndodhur sot rreth orë 11:30 në fshatin Grashticë janë lënduar 3 persona.
Kështu ka bërë të ditur për KALLXO.com zëdhënësi i Policisë së Kosovës për rajonin e Prishtinës, Agron Borovci.
“Rreth orës 12:00, është raportuar për një aksident trafiku rrugor, të ndodhur në fshatin Grashticë e Epërme të Prishtinës. Nga informatat e marra deri tani, bëhet e ditur se në aksident janë përfshirë dy automjete, ndërkaq trajtim mjekësor kanë kërkuar tre persona të lënduar”, tha ai.
Tutje Borovci ka thënë se njësia rajonale e trafikut ka dalë në vendin e ngjarjes dhe ka nisur një hetim lidhur me rrethanat e këtij aksidenti.
www.kallxo.com