![](https://kallxo.com/wp-content/uploads/kallxo/path/Spitali_i_Pejës_367626.jpg)
Pejë, dy pacientë me COVID-19 në gjendje të rëndë
Spitali Rajonal i Pejës është duke trajtuar 17 pacientë me coronavirus, prej tyre tetë janë duke u asistuar me oksigjeno-terapi ndërsa dy janë në gjendje të rëndë.
Nga raporti ditor i Spitalit bëhet e ditur se gjatë 24 orëve tre pacientë kanë rezultuar të shëruar nga COVID-19.
IKShPK dje ka njoftuar se në Komunën e Pejës janë regjistruar edhe tetë raste me coronavirus.
Komuna me më së shumti raste të infektimit me COVID-19 aktualisht është Prishtina, e cila vetëm dje ka regjistruar 17 raste pozitive me SARS-CoV-2.
15 mijë e 270 persona janë infektuar me SARS-CoV-2 në nivel vendi, prej tyre 12 mijë e 900 janë shëruar ndërsa 616 të tjerë kanë vdekur.
Instituti tutje ka bërë të ditur se 62 raste të reja me COVID-19 janë regjistruar në nivel vendi ndërsa 85 të tjerë janë shëruar.