Kryeministri i Kosovës, Albin Kurti, Foto: ZKM
Kurti: Kosova u rendit e dyta në botë për përmirësimin e sundimit të ligjit, reformat tona po funksionojnë
Kryeministri i Kosovës, Albin Kurti, ka thënë se reformat e Qeverisë së tij po funksionojnë me shpejtësi, duke komentuar indeksin vjetor të ‘World Justice Project’.
Përmes një shkrimi në Twitter, Kurti tha se Kosova është renditur sërish e para në Ballkanin Perëndimor për sundim të ligjit, si dhe e dyta në mbarë botën për përmirësimin më të madh në sundimin e ligjit.
“Këtë vit, ‘World Justice Project’ e ka renditur sërish Republikën e Kosovës vendin e parë në Ballkanin Perëndimor për sundimin e ligjit. Ajo gjithashtu e ka renditur Kosovën vendin e dytë në mbarë botën për përmirësimin më të madh në sundimin e ligjit gjatë vitit të kaluar. Konfirmim i pavarur se reformat tona po funksionojnë dhe po funksionojnë me shpejtësi” – ka shkruar Kurti.
This year, @TheWJP has again ranked the Republic of Kosova #1 in the Western Balkans on rule of law. It has also ranked Kosova #2 in the entire world for greatest improvement in rule of law over the past year. Independent confirmation that our reforms are working, and rapidly so. pic.twitter.com/bEhgsvWCgo
— Albin Kurti (@albinkurti) October 26, 2022