Këto lagje të Prishtinës do të mbesin pa rrymë nga mesnata deri në mëngjes

KEDS ka njoftuar se disa lagje në Prishtinë nga mesnata deri në orët e para të mëngjesit nuk do kenë energji elektrike.

Sipas njoftimit, kjo ndërpreje do ndodhë për shkak të punimeve të KOSTT-it, ku do përfshihen këto lagje: Pejton, Ulpianë, Dardani, një pjesë e Bregut të Diellit dhe Qendra e Prishtinës.

“Për shkak punimeve të KOSTT’it dhe me kërkesë të kësaj kompanie, sonte pas mesnate nga ora 00:10 deri ne ora 06:10 lagjet qendrore të Prishtinës do të jenë pa energji elektrike. Specifikisht do të ndalet energjia në qendër të Prishtinës, pastaj Ulpianë, Pejton, Dardani dhe një pjesë të Bregut të Diellit. Për më tepër detaje ju lutem drejtojuni KOSTT’it,” thuhet në njoftimin e KEDS.