Kapen dhe arrestohen nga Policia derisa ishin në proces të vjedhjes së një veturës
04.1.2022 - 11:04
Policia e Kosovës ka arrestuar 2 persona në Prizren, të cilët i ka kapur duke tentuar të vjedhin një veturë e cila ishte e sekuestruar.
Derisa ishin duke tentuar të marrin veturën, Policia e Kosovës ka mbërri në vend të ngjarjes duke parandaluar vjedhjen.
Njëri nga të dyshuarit është arrestuar në vendin e ngjarjes, i cili madje gjatë arrestimit ka sulmuar edhe zyrtarët policor.
Ndërsa, i dyshuari tjetër fillimisht kishte ikur nga vendi i ngjarjes, por që më vonë është arrestuar.
Me vendim të prokurorit, të dy të arrestuarit janë dërguar në mbajtje.