Inspekcioni aksion te 'Tregu i gjelbër', largohen shitësit nga rrugët
Drejtoria e Inspekcionit në Komunën e Prishtinës ka zhvilluar një aksion për të larguar të gjithë shitësit nga rrugët në afërsi të tregut të gjelbër.
Sipas njoftimit të Komunës, kanë organizuar pastrimin e këtyre rrugëve nga mbeturinat e shumta të cilat grumbulluara aty ndër vite.
“Tregut të Prishtinës po i kthehet dinjitetit..Aksioni i sotëm dha një shembull model të bashkëpunimit të qytetarëve me komunën, ku tregtarët do të kenë çasje më të lehtë dhe të përshtatshme në treg, ndërsa Komuna do ketë mbarëvajtje e kontroll më të lehtë në tregun e kryeqytetit”, thuhet mes tjerash në postim.
Më 28 prill 2022, Kuvendi Komunal i Prishtinës i ka dhënë autorizim kryetarit të Komunës, Përparim Ramës për inicimin e procedurave që ndërrmarja shoqërore “Tregjet” e cila menaxhohet nga AKP, të kthehet në ndërmarrje publike lokale.