Foto: Ramush Haradinaj/Facebook
Haradinaj viziton Shkupin
23.2.2020 - 16:30
Ish-kryeministri i Kosovës, Ramush Haradinaj, gjatë ditës së sotme e ka vizituar Shkupin.
Haradinaj ka njoftuar se këtë vizitë e ka realizuar me ftesë të Arsim Papranikut, biznesmen i suksesshëm dhe Konsull nderi i Republikës së Kosovës në Maqedoninë e Veriut.
“Arsimi me bizneset e tij ka investuar shumë në Kosovë e Maqedoninë e Veriut, duke ndikuar në krijimin e vendeve të reja të punës”, ka shkruar Haradinaj në Facebook.
Po ashtu, Haradinaj ka bërë të ditur se nën shoqërinë e kryetarit të Çairit, Visar Ganiu, ka vizituar edhe Çarshinë e vjetër në Shkup.