Haga ia zgjat lirimin Jovica Stanishiqit

Gjykata e Kombeve të Bashkuara ka zgjatur lirimin e përkohshëm të Jovica Stanisiç deri në prill të vitit 2020 sepse ish-shefi i Shërbimit të Sigurisë Serbe, i cili po gjykohet për krime lufte në Bosnje dhe Kroaci, vazhdon të jetë i sëmurë.

Mekanizmi i Kombeve të Bashkuara për Gjykatat Penale Ndërkombëtare ka njoftuar se ka zgjatur lirimin e përkohshëm të Jovica Stanisiç deri më 30 prill 2020 për shkak të sëmundjes së tij.

Ai tha që zgjatja ishte e mundur sepse “nuk ka asnjë tregues që ai ka qenë angazhuar ndonjëherë në ndonjë praktikë që dëmton administrimin e drejtësisë”.

“Gjykata mbetet e bindur se nuk ka asnjë arsye të besojë se Stanisiç do të pushojë së zbatuari kushtet e lirimit të tij të përkohshëm apo do të përbëjë një rrezik për çdo viktimë, dëshmitar ose person tjetër, nëse ka një zgjatje të lirimit të tij të përkohshëm”, thuhej në vendimin e gjykatës, i cili u mor në fund të tetorit.

Ish-shefi i SDB-së, Stanisiç, dhe Simatoviç, ish-komandanti i Njësisë së Operacioneve Speciale të drejtuar nga SDB-ja, akuzohen se kanë qenë protagonistë në një sipërmarrje të përbashkët kriminale të udhëhequr nga presidenti i atëhershëm serb, Sllobodan Millosheviç, me qëllim largimin e përhershëm dhe të detyrueshëm të kroatëve dhe boshnjakëve nga pjesë të mëdha të Kroacisë dhe Bosnjës dhe Hercegovinës për të arritur dominimin serb.

Simatoviç vazhdon të ndjekë seanca gjyqësore në Hagë.

Stanisiç është liruar përkohësisht në Beograd që prej korrikut 2017 dhe lirimin e tij është zgjatur disa herë deri më tani.

Ata e deklaruan veten të pafajshëm në dhjetor 2015 pasi dhoma e apelit e Gjykatës Penale Ndërkombëtare për ish-Jugosllavinë rrëzoi lirimin e tyre nga akuzat në gjykimin e tyre të parë.

Dhoma e Apelit vendosi që kishte gabime serioze ligjore dhe faktike kur ata u liruan fillimisht nga akuzat për krime lufte në 2013 dhe urdhëroi që çështja të rigjykohej dhe të gjitha provat dhe dëshmitarët të ridëgjoheshin plotësisht nga gjykatësit e rinj.