Ferizaj
Gjendet i vdekur roja i një lokali në Ferizaj
14.10.2020 - 10:15
Një burrë i moshës 60 vjeçare është gjetur i vdekur në një lokal në Ferizaj të martën në mëngjes.
Lajmin për KALLXO.com e ka konfirmuar zëdhënësi i policisë në Rajonin e Ferizajit, Mehmedali Hajdini.
Sipas Hajdinit, dyshimet janë për vdekje natyrale.
“Policia ka marrë informacione nga pronari i lokalit në Ferizaj se roja është gjendur i vdekur. Ne kemi dalë në vendin e ngjarjes dhe viktima është gjetur i shtangur. Në konsultim me prokurorinë e kemi dërguar trupin në Mjekësinë Ligjore për Obduksion. Dyshimet e para janë për vdekje natyrale por sidoqoftë mjekësia ligjore do ta vërtetojë”, ka thënë Hajdini.