Gashi: Kuvendi duhet ta dijë cili deputet është dënuar ose jo

Kryeredaktori i KALLXO.com, Kreshnik Gashi, tha se Kuvendi është dashur të dijë që një deputet është dënuar me vendim të formës së prerë nga Gjykata Kushtetuese.

“Në Kuvend ka njerëz që i përcjellin mediat e të cilët është dashtë të njoftojnë në Kuvend se një deputet i tyre është i dënuar. Ata paguhen për monitorim të mediave”, tha Gashi.

“Nëse s’e ka pasë askush në Kuvend që një deputet është i dënuar, unë shoh që ka një problem të madh në këtë temë”, tha Gashi.

Gjykata Kushtetuese e ka publikuar vendimin e plotë duke shpallur përfundimisht Qeverinë Hoti si antikushtetuese.

Brenda 40 ditëve të ardhshme pritet të mbahen zgjedhjet.

Ushtruesja e Detyrës së Presidentit, Vjosa Osmani pritet që ditëve në vazhdim të caktoj datën e zgjedhjeve.

Të ftuar në emisionin e sotëm janë, Faton Fetahu nga PDK, Tomë Gashi, Kreshnik Gashi, kryeredaktor në KALLXO.com dhe Labinot Leposhitca nga Zyra e Ligjore e BIRN-it.