Flasin nga LDK pas akuzave të Zyberajt për "tjetërsim" të votave
Zëdhënësja e LDK-së, Gentiana Azemi, ka thënë për KALLXO.com se pretendimet e kandidatit për deputet, Jetlir Zyberaj, për tjetërsim të votave nga partia e saj janë të pabaza.
“Nuk ka mundësi me ndodhë një gjë e tillë sepse LDK nuk e bën këtë punë dhe komisionerët për këtë japin përgjegjësi, sepse e nënshkruajnë formularin për vota kur të numërohen. Akuzat e Jetlirit plotësisht janë të pabaza. Ai mundet me bë të drejtën e ankesës kurdo që mendon që iu kanë vjedhur votat dhe le të ankohet dhe le t’i sheh votat e veta”, tha ajo.
Zyberaj theksoi se vjedhja e votave po ndodhë vetëm brenda listës së LDK-së, duke shtuar se nuk është i vetmi ai.
AKR në zgjedhjet e së dielës ka qenë në një listë të përbashkët me LDK-në e cila sipas rezultateve preliminare të KQZ-së, doli e treta me vetëm 13,08 për qind të votave.
