Ferizaj: Pamje policia gjurmon hajnat pas vjedhjes

Këtë javë në rubrikën “Policia” të emisionit Drejtësia në Kosovë janë paraqitur pamje të marrjes së dëshmive pas kryerjes së një vjedhjeje në një shtëpi në Ferizaj.

Në rubrikën Policia, shfaqen pamje kur policia në orët e mbrëmjes fillojnë aksionin së bashku me Njësinë e Hetimeve dhe atë të Forenzikës, të cilët kanë bërë ekzaminimin e vendit ku është kryer vjedhja.

Ekipi i Forenzikës  gjatë kontrollit në shtëpi, në qytetin e Ferizajt, përmes pluhurit magnetik dhe atij grafit për zbulimit të gjurmëve të gishtërinjve të personave të dyshuar marrin shenjat të cilat do t’i procedojnë më tutje për hetimet për zbardhjen e rastit.