Zyrtari i Policisë së Kosovës Foto: Naser Fejza/ KALLXO.com
Disa persona hyjnë me forcë në një kishë ortodokse në Mitrovicë, prifti fton policinë
05.10.2023 - 10:34
Disa persona të panjohur dyshohen se gjatë ditës së djeshme kanë hyrë me forcë brenda kishës ortodokse serbe në fshatin Suhodoll i Epërm i Mitrovicës së Jugut.
“Ankuesi mashkull shtetas i Serbisë, prift i kishës ortodokse, në adresën e cekur, ka raportuar se persona të panjohur kanë hapur me forcë derën e kishës” – thuhet në raportin 24-orësh të Policisë së Kosovës.
Policia ka njoftuar se ka dal në vendin e ngjarjes dhe se janë duke hetuar rastin.
“Sipas ankuesit nuk mungon asgjë. Njësitë policore kanë dalë në vendin e ngjarjes dhe janë duke e hetuar rastin, për të cilin rast është informuar edhe prokurori” – thuhet tutje në raport.