Blinken paralajmëron Rusinë për përgjigje të ashpër nëse ‘një forcë e vetme shtesë shkon në Ukrainë’

Sekretari i Shtetit Antony Blinken përforcoi paralajmërimin e tij kundër një pushtimi rus të Ukrainës, duke thënë se “nëse një forcë e vetme shtesë ruse hyn në Ukrainë në një mënyrë agresive” do të rezultonte në një përgjigje të ashpër nga ShBA dhe aleatët e saj.

“Nëse një forcë e vetme shtesë ruse shkon në Ukrainë në një mënyrë agresive, siç thashë, kjo do të shkaktonte një përgjigje të shpejtë, të ashpër dhe të bashkuar nga ne dhe nga Evropa,” i tha Blinken për CNN.

Komentet nga Sekretari amerikan i Shtetit sqarojnë më tej pozicionin e Shteteve të Bashkuara për çdo veprim ushtarak agresiv shtesë nga Rusia pasi vendi grumbulloi dhjetëra mijëra trupa në kufirin e tij me Ukrainën.

Megjithëse zyrtarët amerikanë kanë lëshuar paralajmërime për Rusinë ditët e fundit, presidenti Joe Biden ngatërroi mesazhin e pasojave të rënda javën e kaluar, duke thënë në një konferencë shtypi se një “inkursion i vogël” mund të mos shkaktojë të njëjtën përgjigje nga NATO si një pushtim.

Presidenti më vonë sqaroi se çdo trupë ruse që kalon kufirin e Ukrainës do të përbënte një pushtim dhe Blinken, pas një takimi me ministrin e Jashtëm rus Sergey Lavrov javën e kaluar, paralajmëroi gjithashtu se çdo pushtim rus i Ukrainës do të “përballej me një përgjigje të ashpër dhe të bashkuar”. ”

Rusia ka pozicionuar rreth 100,000 trupa afër kufijve të Ukrainës, si dhe në Gadishullin e Krimesë, duke rritur alarmin në kryeqytetet e Perëndimit se Moska po përgatitet për aksion ushtarak kundër Ukrainës.

Moska veçse mbështet separatistët në luftën në lindje të Ukrainës, si pasojë e së cilës kanë vdekur 13,200 persona prej vitit 2014, vitin e njëjtë kur është aneksuar edhe Krimeja. Rusia ka hedhur poshtë pretendimet për pushtim, ndonëse ka bërë një sërë kërkesash për zgjerimin e NATOS-s dhe arkitekturën e sigurisë në Evropën Lindore.

Kriza në Ukrainë: Tensionet po rriten në kufirin ruso-ukrainas