Besnik Tahiri i AAK-së kriton programin legjislativ të Qeverisë, e quan kaos

Deputeti nga AAK-ja, Besnik Tahiri ka kritikuar programin legjislativ të Qeverisë, duke e quajtur një program që është në kaos.

Ai përmes një statusi në Facebook ka thënë se një qeveri dhe një shumicë e cila është përbetuar në përfshirje dhe drejtësi më të madhe sociale, ka dështuar në të gjitha pikat legjislative të cilat do ta realizonin atë.

“Kjo nuk është rastësi, sepse në skemat sociale nuk mund të përfshihen në klientelizëm e korrupsion. Pra edhe kësaj radhe, edhe këtë vit, kjo qeveri e ka kthyer në normë mashtrimin, duke treguar mungesë totale përkushtimi dhe efikasiteti në realizimin e premtimeve dhe prioriteteve programore në këtë gjysmë vit”, – ka shkruar Tahiri.

Ai ka paralajmëruar që “nesër do shihni analizën e dështimeve të programit legjislativ 2024 dhe normimit të mashtrimit”.