Foto: KALLXO.com Ilustrim
Arrestohet një burrë në Pejë për privimin e lirisë së një gruaje
17.11.2022 - 11:33
Është arrestuar një burrë në Pejë pasi dyshohet se ia ka ndaluar lirinë e lëvizjes një gruaje.
Viktima e cila është shtetase e huaj është dërguar në strehimore, ndërsa i dyshuari me vendim të prokurorit është dërguar në mbajtje.
Rasti është cilësuar si privim i kundërligjshëm i lirisë.
Zëdhënësi i Prokurorisë në Pejë, Shkodran Nikçi tha për KALLXO.com se pasi është raportuar rasti janë marrë veprimet e nevojshme hetimore dhe me urdhër të prokurorit i dyshuari është ndaluar për 48 orë.
Ai tha se brenda afatit ligjor do të bëhet kërkesa për caktimin e masës së sigurisë.