Arrestohet i mituri në Lipjan pasi postoi fotografi me armë
24.11.2020 - 09:17
Policia e Kosovës ka njoftuar se ka arrestuar një të mitur në Lagjen e Re në Lipjan për armëmbajtje pa leje.
Arrestimi i të miturit është bërë dje rreth orës 10:50.
Sipas njoftimit, deri tek arrestimit i të dyshuarit ka ardhur pasi që i njëjti në facebook kishte ekspozuar një armë.
Në lidhje me rastin është konsultuar prokurori i shteti, është bërë bastisja e shtëpisë ku është gjetur dhe sekuestruar një armë me tre fishekë me gaz.
Pas intervistimit, i dyshuari është liruar në procedurë të rregullt.