![](https://kallxo.com/wp-content/uploads/2024/05/162814850_10224015539352090_7803052978762228531_n-480x480.jpg)
Ragmi Mustafi dhe Ardita Sinani. Foto: Ragmi Mustafi/Facebook
Ardita Sinani kandidate për kryetare të Preshevës, Ragmi Mustafi për kryetar të Bujanocit
01.5.2024 - 15:45
Partia për Veprim Demokratik ka prezantuar sot kandidatët për zgjedhjet lokale të caktuara për më 02.06.2024.
Kështu ka njoftuar Shaip Kamberi nga kjo parti, i cili ka thënë se Ardita Sinani do të jetë kandidate për të parën e Preshevës, e Ragmi Mustafi për komunën e Bujanocit.
Kamberi tha për Sinanin se është një figurë e njohur për angazhimin e saj në fushën e zhvillimit social, edukimit dhe përfaqësimit të interesave të qytetarëve.
E për Mustafin tha se është një personalitet i njohur në komunën e Bujanocit për angazhimin e tij të gjatë dhe të palodhur në shërbim të zhvillimit dhe përfaqësimit të interesave të qytetarëve të kësaj komune.