Ambasadori i Italisë mungoi në pritjen shtetërore të Kosovës, Ferrero tregon arsyen
Zëvendësambasadori i Italisë në Kosovë, Ugo Ferrero, për KALLXO.com ka thënë se ambasadori Antonello De Riu nuk ka qenë i lirë për të marrë pjesë në pritjen shtetërore për përvjetorin e çlirimit të Kosovës.
Ferrero ka thënë se në vend të ambasadorit De Riu ka marrë pjesë vetë ai.
“Ne e morëm ftesën dhe ishim të përfaqësuar në nivelin e zëvendësshefit të misionit. Që do të thotë unë, ambasadori De Riu në fakt nuk ishte në dispozicion”- ka thënë ai.
Kosova sot ka shënuar 24-vjetorin e çlirimit nga Serbia.
Por, në pritjen shtetërore, të organizuar bashkërisht nga presidentja Vjosa Osmani, kryeparlamentari Glauk Konjufca dhe kryeministri Albin Kurti, kanë munguar përfaqësuesit e vendeve mike që ndihmuan në çlirimin dhe bërjen e Kosovës shtet.
Aty mungoi ambasadori i Shteteve të Bashkuara dhe të vendeve të tjera të QUINT-it.
Në këtë pritje nuk kanë marrë pjesë as përfaqësues të subjekteve politike opozitare.
Pritja shtetërore për ditën e çlirimit pa prezencën e ambasadorëve të vendeve mike
