![](https://kallxo.com/wp-content/uploads/2024/03/jeffrey-hovenier-720x480.jpg)
Foto: Ambasada e SHBA në Kosovë, Facebook
Ambasadori amerikan përcjell urime për festën e Kurban Bajramit
16.6.2024 - 13:54
Ambasadori amerikan në Kosovë, Jeffrey Hovenier, ua ka uruar festën e Kurban Bajramit të gjithë besimtarëve të fesë islame.
“Përshëndetjet e mia më të përzemërta me rastin e Kurban Bajramit për të gjithë ata që festojnë në Kosovë dhe në mbarë botën!” – ka shkruar Facebook, Ambasada amerikane në Prishtinë, duke e cituar Hovenierin.
Kjo festë e besimit islam u urua edhe nga krerët e shtetit e liderët politikë.
Myslimanët në tërë botën sot festojnë Kurban Bajramin, një nga festat më të mëdha të kalendarit islamik që përkon me ritet e fundit të pelegrinazhit vjetor të Haxhit në Arabinë Saudite.