Aeroporti i Hamburgut rifillon fluturimet pas ndalimit për shkak të një kërcënimi me bombë të avionit iranian

Trafiku ajror ka rifilluar në aeroportin gjerman të Hamburgut, ka konfirmuar një zëdhënës për Reuters, pasi një operacion policor në përgjigje të një kërcënimi ndaj një avioni nga Teherani i Iranit bëri që të gjitha uljet dhe ngritjet të ndaloheshin.

Një zëdhënës i policisë federale tha se oficerët, duke vepruar me pas një kërcënimi për sulm të dërguar me email, kontrolluan një aeroplan me 198 pasagjerë nga Teherani që kishte zbritur në qytetin verior gjerman.

Forca ajrore gjermane ka shkruar në llogarinë e saj në rrjetet sociale X, se e ka shoqëruar avionin pasi ai hyri në hapësirën ajrore gjermane në lindje të Berlinit për shkak të një kërcënimi me bombë.

“Policia intervistoi pasagjerët, që është procedurë normale kur një kërcënim klasifikohet si serioz”- tha zëdhënësi i policisë për Reuters.

Asnjë fluturim, ngritje apo ulje nuk ishte e mundur sepse brigada e zjarrfikësve të aeroportit u përfshi në kërkim, shtoi zëdhënësi.