Foto: Kallxo.com
AAK nuk merr pjesë në fjalimin vjetor të Osmanit në Kuvendin e Kosovës
Grupi parlamentar i Aleancës për Ardhmërinë e Kosovës nuk po merr pjesë në seancën në të cilën presidentja e vendit, Vjosa Osmani, po e mban fjalimin vjetor.
Në ulëset e AAK-së në sallën e mbledhjeve të Kuvendit, nuk është parë asnjë anëtar i këtij grupi parlamentar.
KALLXO.com ka provuar të kontaktojë me shefin e grupit parlamentar të AAK-së, Besnik Tahiri, për të mësuar arsyen e mospjesëmarrjes, por i njëjti nuk ka qenë i qasshëm.
As grupi Parlamentar i Partisë Demokratike të Kosovës nuk do të jetë pjesë e seancës së organizuar për fjalimin vjetor të presidentes Osmani.
Përmes një komunikate për media, PDK është shprehur se “seanca e sotme është farsë dhe pa përmbajtje duke shtuar se sipas tyre, ky fjalim është spektakël i pushtetit”.