![](https://kallxo.com/wp-content/uploads/2020/03/Coronavirus-Koronavirus-virusi-covid-covid19-5-695x310.jpg)
41 raste të reja me Covid-19 në Maqedoninë e Veriut
25.4.2020 - 17:48
Gjatë 24 orëve të fundit, Ministria e Shëndetësisë në Maqedoninë e Veriut ka realizuar 728 testime me çka janë vërtetuar 41 raste të reja me koronavirus.
Sipas qyteteve, në Shkup janë regjistruar 17 raste të reja, 8 në Kumanovë, Prilep 8, Tetovë 4, Strugë 1, Veles 2 dhe Manastir 1. Deri tani numri i përgjithshëm i të infektuarve në Maqedoni është 1 mijë e 367.
Ndërkaq janë shëruar 37 pacientë nga koronavirusi, dy që janë trajtuar në spital dhe 35 që kanë qenë në trajtim shtëpiak. Luftën me koronavirus nuk e ka përballuar 36 vjeçari nga Gostivari dhe një 25 vjeçar nga Shkupi./RTV21